Стивен Жеррард "Ливерпуль"га қайтиши мумкин

Футбол бўйича "Ливерпуль" клуби афсонаси Стивен Жеррард жамоага қайтиши мумкин. Football Insider нашрининг хабарига кўра, у бош мураббий Арне Слот истеъфога чиқса, жамоани вақтинчалик бошқаришга тайёр.

Клуб ичида Жеррарднинг вақтинчалик мураббий сифатида тайинланиши бўйича музокаралар олиб борилгани айтилмоқда. Арне Слот 2024 йил ёзида Юрген Клопп ўрнига бош мураббий лавозимини эгаллаган эди.

Унинг клуб билан шартномаси 2027 йил июн ойигача амал қилади. Слот бошчилигида "Ливерпуль" ўтган мавсум Англия чемпиони бўлган.