ФИФА Аргентинани 2026 ЖЧдан четлатиши мумкин

Аргентинада футбол атрофида шов-шувли можаро юзага келди. Аргентина футбол ассoциацияси (AFA) ва унинг президенти Клаудио Тапия жиддий қоидабузарликларда айбланмоқда: хусусан, маблағларни ўзлаштириш ҳамда солиқ тўламаслик.

Marca ва бошқа халқаро ОАВ хабарига кўра, ФИФА вазиятни диққат билан кузатмоқда. Агар текширув жараёнида маҳаллий ҳокимият футбол ассoциацияси ишларига аралашаётгани тасдиқланса, ФИФА санкциялар қўллаши, ҳатто Аргентина терма жамоасини 2026 йилги жаҳон чемпионати иштирокчилари сафидан чиқариб ташлаши ҳам мумкин.

Аргентина амалдаги жаҳон чемпиони ҳисобланади. ФИФА ҳам Лионел Месси бошчилигидаги жамоанинг навбатдаги мундиалда қатнашмай қолишини истамаслиги аниқ.

Шу боис масала энг кескин чора кўришгача бориб етиши эҳтимоли катта эмас.