Хамдам Собиров нима сабабдан қаср уйини сотувга қўйди?

Таниқли хонанда Хамдам Собиров ўзининг қаср услубидаги уйини сотувга қўйганини маълум қилди. Бу ҳақда у шахсий ижтимоий тармоқларида эълон қилган видео орқали мухлисларига хабар берди.

Видео мурожаатида хонанда ушбу уйни бир ярим йил аввал катта ниятлар билан сотиб олганини, аммо ҳозир ҳаётий шароит ва оилавий эҳтиёжлар сабаб уни сотишга қарор қилганини айтади. Собировнинг таъкидлашича, оиласи ҳозирча кичик, фарзандлари эса ёш бўлгани учун бундай катта ҳовлида яшаш ҳозирча қулай эмас.

“Бу уйни бир ярим йил олдин катта ният билан олган эдим. Ҳозир эса оиламиз кичкина, болаларим ёш. Шу сабабли уйимни сотувга қўйдим”, — дейди хонанда видеода.

Хамдам Собировнинг бу қарори мухлислар орасида турли фикр-мулоҳазаларга сабаб бўлди. Айримлар хонанданинг қарорини тўғри деб баҳолаган бўлса, бошқалар бу уйни унинг келажакдаги орзулари билан боғлашганини эслаб, ажабланишларини яширмади.