Хёйлунннинг «Наполи»га доимий трансфери барбод бўлиши мумкин

Куз бошида «Наполи» «Манчестер Юнайтед»дан ҳужумчи Расмус Хёйлуннни ижарага олганди. Шундан бери даниялик футболчи 19 та расмий ўйинда майдонга тушиб, 7 та гол урди ва жамоадошларига 3 та голли узатма берди.

United Update La Gazzetta dello Sport’га таяниб хабар беришича, Хёйлунннинг «Наполи»га доимий трансфери барбод бўлиши мумкин. Бунга неаполликлар клубининг молиявий муаммолари сабаб бўлмоқда.

Февраль ойида Расмус Хёйлунн 23 ёшга тўлади. Ҳозирда «Наполи» А Серия турнир жадвалида учинчи ўринда бормоқда.

Антонио Конте жамоаси пешқадам «Интер»дан атиги икки очко ортда қолмоқда.