«МЮ» Бруну Фернандеш қачон қайтишини маълум қилди
Журналист Саймон Стоун хабарига кўра, «МЮ» 31 ёшли ярим ҳимоячи «Манчестер Сити»га қарши ўйинга қадар тикланади, деб ҳисобламоқда. Дерби 17-январ куни «Олд Траффорд»да бўлиб ўтади.
Шу тариқа, ҳаммаси режа бўйича кетса, Фернандеш «қизил иблислар»нинг беш учрашувини ўтказиб юборади: «Ньюкасл»га қарши (26.12), «Вулверхэмптон»га қарши (30.12), «Лидс»га қарши (04.01), «Бёрнли»га қарши (07.01) ва «Брайтон»га қарши (Англия кубоги, 11.01). Ярим ҳимоячининг Рубен Аморим жамоасидаги жорий мавсумда 18 ўйинда 5 та гол ва 7 та голли узатмаси бор.