Фермин Лопес «Барселона»даги севимли позициясини айтди

«Барселона» футболчиси Фермин Лопес майдондаги ўзига энг ёқадиган позицияни маълум қилди. 22 ёшли испаниялик универсаллиги билан танилган: сўнгги икки мавсумда Ханс-Дитер Флик уни ҳужумнинг ҳар икки қанотида, ҳужумчи ортида ҳамда ярим ҳимояда синаб кўрди.

«Қайси позицияда менга энг қулай? Мен ўйнаш имконияти борлигидан хурсандман.

Чап вингер, ўнг вингер, ҳужумчи, ҳужумкор ярим ҳимоячи — исталган жойда ўйнай оламан. Барибир танлаш керак бўлса, ўзимни энг яхши ҳужумкор ярим ҳимоячи позициясида ҳис қиламан — айнан ўша ерда фазилатларим энг яхши очилади», — дея футболчининг сўзларини келтиради Barca Universal.

Жорий мавсумда Фермин Лопес «кўк-анорранглилар» сафида 18 ўйинда 7 та гол урди ва 4 та голли узатма берди.