Васкес Мбаппе ва Винисиуснинг бирга ўйинини баҳолади
Мадриднинг “Реал” клубида тўп сурган Лукас Васкес Килиан Мбаппе ва Винисиус Жуниорнинг бир жамоада қанчалик самарали ўйнаши мумкинлиги ҳақида фикр билдирди. Бу ҳақда euro-football.ru хабар беради.
Испаниялик футболчи ўтган мавсумда ҳар икки ҳужумчи билан бирга майдонга тушган, кейин эса Леверкузеннинг “Байер” клубига йўл олган эди.
Васкеснинг таъкидлашича, Мбаппеда ҳам руҳий, ҳам футбол жиҳатдан энг юқори натижаларга эришиш учун барча имконият бор. У француз футболчиси нафақат мунтазам гол уриши, балки ўйиннинг бошқа фазаларида ҳам жамоага катта фойда келтиришини қайд этди. Шунингдек, Винисиус ҳам “Реал”да бир неча йилдан бери барқарор ва муваффақиятли ўйин кўрсатаётган юқори савиядаги ижрочи экани айтилди. Васкес фикрича, Мбаппе ва Винисиус бирга ҳаракат қилса, “Реал”да жуда катта марраларни забт этиши мумкин.
4-январ куни Хаби Алонсо жамоаси Ла Лига доирасида ўз майдонида “Бетис”ни қабул қилади.