Криштиану Роналду Саудия лигасида тўпурарликда яна етакчи
“Ал-Наср” ҳужумчиси Криштиану Роналду Саудия Арабистони чемпионатининг тўпурарлик пойгасида яна биринчи ўринга кўтарилди. Бу ҳақда euro-football.ru хабар беради.
Португалиялик юлдуз шанба куни “Ал-Аҳдуд”га қарши ўйинда дубл қайд этиб, Ар-Риёд клуби 3:0 ҳисобида йирик ғалабани нишонлади. Натижада 40 ёшли форварднинг жорий мавсумдаги голлари сони 12 тага етди — у бу кўрсаткич бўйича жамоа шериги Жоау Фелиш билан тенглашди. Учинчи ўринда “Ал-Ҳалидж” вакили Жошуа Кинг 10 гол билан бормоқда.
“Ал-Наср” турнир жадвалида ҳам мутлақ етакчи: 10 турдан сўнг 30 очко жамғарган жамоа барча ўйинларда ғалаба қозонган. Иккинчи ўриндаги “Ал-Ҳилол”дан фарқ тўрт очкони ташкил этади.