Де Росси “Рома” билан ўйиндан норози бўлганини айтди
Италия А Сериясининг 17-тури доирасидаги учрашувда “Женоа” “Рома”га қарши ўйинда ожиз қолди. Жамоа бош мураббийи, илгари “Рома” сардори бўлган Даниеле де Росси баҳс якунлари ҳақида фикр билдирди. Бу ҳақда euro-football.ru хабар беради.
Де Россининг таъкидлашича, учрашувдаги ўйин унга ёқмаган: у аввал “Аталанта” ва “Интер”га қарши баҳсларда ҳам хатолар бўлганини эслатди, бироқ бу сафар камчиликлар бошқача кўриниш олган. Мураббий майдонда ортиқча енгилтаклик, агрессия ва босим етишмаганини айтиб, бундай услубни қабул қилмаслигини қўшимча қилди. Шунингдек, у суст ўйин учун масъулият барибир мураббий зиммасида бўлишини тан олди.
Ҳозирда “Женоа” А Серия турнир жадвалида 17-ўринда бормоқда.