Тим Кейн Troika RPGларидаги баглар сабабини изоҳлади

Fallout’нинг оригинали ҳаммуаллифи ва Troika Games асосчиси Тим Кейн студиянинг Arcanum, Vampire: The Masquerade — Bloodlines ҳамда The Temple of Elemental Evil каби RPG’лари нега кўплаб баглар билан чиққанини тушунтирди. Унинг айтишича, тажриба етарли бўлса-да, жараённинг ўзи муаммоларни келтириб чиқарган. Бу ҳақда playground.ru хабар беради.

Кейн асосий омил сифатида кичик жамоанинг “ҳаддан ташқари ижодий иштиёқи”ни кўрсатади. Натижада ишлаб чиқувчилар шошилинч тарзда мураккаб ўйин механикаларини кўп миқдорда қўшиб юборишган, бироқ уларни тўлиқ синовдан ўтказиш ва созлашга улгуришмаган.

Вазиятни яна бир жиҳат оғирлаштирган: бу механикаларни яратишга хизмат қиладиган ички воситаларнинг ўзи ҳам хатоларга бой, етилишмаган бўлган. Кенг имкониятлар тизимлар ўртасида кутилмаган “тўқнашувлар”ни юзага келтириб, янги носозликларни келтирган.

Дизайнер бундай ҳолат учун масъулият жамоа зиммасида эканини тан олади, шу билан бирга мураккаб RPG’лар умуман олганда кўпинча техник муаммолар билан чиқишини ҳам эслатади.

Шунга қарамай, Troika мероси ҳануз яшаб келмоқда: уларнинг лойиҳалари чуқурлиги ва ноодатий ёндашуви билан эслда қолган. Орадан ўн йиллаб вақт ўтса ҳам, мухлислар patch ва modлар орқали ўйинларни қўллаб-қувватлаб, такомиллаштиришда давом этмоқда — натижада бу номлар культ классикага айланган.