Янги трейлерда X-Men Marvel коинотида илк бор кўринди
Интернетда “Қасоскорлар: Қиёмат куни” фильмининг янги трейлери пайдо бўлди. Унда Marvel кинематик коинотида илк бор X-Men жамоаси расман намойиш этилиб, мутантлар “Қасоскорлар” ҳикоясига қўшилаётгани тасдиқланди. Бу ҳақда playground.ru хабар беради.
Қисқа роликда профессор Чарлз Ксавйер, Магнето ва Сиклоп каби асосий қаҳрамонлар кўриниш беради. Айниқса Сиклоп бу сафар анча тажовузкор кайфиятдаги образда тақдим этилган.
Энг диққатга сазовор жиҳат — классик франшизадан таниш актёрларнинг қайтиши: Патрик Стюарт, Ийен Маккеллен ва Жеймс Марсден яна ўз ролларини ижро этади. Бу эса янги лойиҳа эски “мутантлар” фильмлари билан бевосита боғланишини кучайтиради.
Шу тариқа X-Men илк бор “Қасоскорлар” фильмлари сюжетига тўлиқ киритилиб, MCUнинг умумий тарихига интеграция қилинмоқда.
“Қасоскорлар: Қиёмат куни” премьераси 18 декабрга белгиланган.