ESPN Модрични 21-асрнинг энг кучли 25 футболчисига киритди
Хорватиялик тажрибали ярим ҳимоячи Лука Модрич яна бир эътирофга сазовор бўлди. ESPN 21-асрнинг энг яхши футболчилари рейтинғини эълон қилар экан, рўйхатдан Модричга ҳам жой ажратди. Бу ҳақда euro-football.ru хабар беради.
Рейтингнинг илк уч поғонасини Лионел Месси, Криштиану Роналду ва Тьерри Анри банд этди.
Модрич Роналду ва Роналдиньо билан бирга кучли ўнликдан ўрин олди. 11-поғонага Златан Ибрагимович жойлаштирилган бўлса, 19-ўринда Рикардо Кака қайд этилди, 21-ўринни Андреа Пирло эгаллади. Топ-25 рўйхатини эса француз ярим ҳимоячиси Патрик Виейра якунлаб берди.
Эслатиб ўтамиз, Модрич ўтган йил ёзидан буён «Милан» сафида тўп тепмоқда.