Балалар хокукын яклаучы Павел Астахов Лениногорскида ятим калган балага ярдәм күрсәтергә кушты
Узган төндә булган янгын вакытында сабый әнисен һәм тагын биш туганын югалта, иң кечкенә балага бары тик алты ай гына була әле...
РФ президенты каршында балалар хокукын яклаучы вәкаләтле вәкил Павел Астахов Лениногорск районы Иске Кувак авылында булган коточкыч фаҗига хакында үз фикерен белдерде.
– Тагын алкоголь, тагын җавапсызлык... Татарстандагы вәкил бу фаҗиганең сәбәпләрен тикшерүдә катнашыр һәм исән калган ятимгә ярдәм күрсәтү өчен барысын да эшләр, – диде Павел Астахов.