Флик «Реал» фантастик таркибга эга эканини таъкидлади
«Барселона» бош мураббийи Ханс-Дитер Флик Испания Суперкубогининг финалида «Реал»га қарши ўйин олдидан фикрлари билан ўртоқлашди. Бу ҳақда euro-football.ru хабар беради.
Мутахассиснинг айтишича, «Реал»га қарши финал ўйнаш ҳар доим алоҳида завқ ва мотивация беради. Флик жамоасида совринни қўлга киритиш имконияти борлигини қайд этиб, майдонда энг муҳими бир бутун жамоа сифатида ҳаракат қилиш эканини урғулади.
Шунингдек, у мадридликлар таркибида жуда юқори савиядаги, «фантастик» футболчилар борлигини тан олди. Бироқ Фликнинг сўзларига кўра, у эътиборини рақибдан кўра кўпроқ ўз жамоасининг ўйинига қаратади.
«Барселона» — «Реал» учрашуви 11-январ куни бўлиб ўтади. Ўйин 00:00 да (Тошкент вақти билан) старт олади.