Андижонда пробация инспектори маҳкумдан пул ундирмоқчи бўлганида ушланди
Андижон вилоятида пробация хизмати инспектори, маҳкумдан ноқонуний йўл билан пул ундирмоқчи бўлгани учун ишдан олинди. Бу ҳақда Ички ишлар вазирлиги маълумот берди.
Маълумотга кўра, вилоят Ички ишлар бошқармаси пробация гуруҳи инспектори маҳкум аёл билан моддий манфаат йўлида ноқонуний муносабатга киришиб, ундан 1 миллион 600 минг сўм талаб қилган. У бу маблағни аёлга фирмага 800 минг сўм тўлаганини айтиб, талаб қилган.
Аёл, мазкур ҳолатдан хавотир олиб, Шахсий хавфсизлик бош бошқармасига мурожаат қилган ва шу тариқа инспектор ушланди.
Шахсий хавфсизлик бошқармаси томонидан ўтказилган махсус йиғилишда инспекторнинг ҳаракатлари муҳокама қилинди, ва у ички ишлар органларидан ўз хоҳиши билан кетишга қарор қилди.
Шунингдек, аввалроқ Тошкент вилояти Бекобод шаҳридаги ички ишлар ходими 10 минг доллар билан қўлга олингани ҳақида хабар берилган эди.