Зәйдә ресурс үзәгендә электр көчәнеше астында эшләү серләренә өйрәтү процессы башланды
Бүген Зәйнең политехник колледж базасындагы заманча ресурс үзәгендә квалификация күтәрү максатында предприятие хезмәткәрләреннән торган беренче төркем уку-өйрәнү эшләрен башлады. Буа электр челтәре предприятиесенең 16 хезмәткәре заманча полигонда электр көчәнеше астында эшләү серләренә өйрәнәчәк. Өч атна дәвамында аларга “Челтәр компаниясе” ААҖ белгечләре теоретик һәм практик яктан белемнәрен күтәрергә булыша.