Фуқарога нисбатан қўполлик қилган инспектор жазоланди
Аввалроқ ижтимоий тармоқларда Йўл ҳаракати хавфсизлиги хизмати ходимининг фуқаро билан қўпол ва носамимий муносабатда бўлгани акс этган видеолар тарқалган эди. Мазкур ҳолат юзасидан хизмат текшируви тайинлангани ҳақида хабар берилган.
Ўтказилган хизмат текшируви натижаларига кўра, Фарғона вилояти ИИБ ЖХХ ЙҲХБ Маъмурий амалиёт маркази ҳузуридаги шаҳар-туманларга хизмат кўрсатиш гуруҳи инспектори — катта сержант М.Э. фуқарога нисбатан қўпол муомала қилгани аниқланган.
Маълум бўлишича, мазкур ходим Ўзбекистон Республикаси Президентининг 2023 йил 20 январда қабул қилинган ПҚ-10-сон қарори билан тасдиқланган “Ички ишлар органлари ходимларининг касбий маданияти ва хизмат интизоми кодекси”нинг бир қатор талабларини бузган.
Аниқланган қоидабузарликлар учун инспекторга нисбатан «Ҳайфсан» тарзида интизомий жазо қўлланилган.