«Реал» Мадридда «Леванте»ни ишончли ҳисобда мағлуб этди
Ла Лиганинг 20-турида Мадриднинг «Реал» клуби ўз майдонида «Леванте»ни қабул қилди ва беллашув “қироллик клуби” фойдасига якун топди. Учрашув давомида мезбонлар кўпроқ тўп назоратини ушлаб туришга, тезкор ҳужумлар орқали рақиб ҳимоясини ёриб ўтишга интилишди.
Ҳисоб эса иккинчи таймда очилди. 58-дақиқада «Реал» ҳужумчиси Килиан Мбаппе пенальти нуқтасидан совуққонлик билан зарба бериб, жамоасини олдинга олиб чиқди. Орадан кўп ўтмай, 65-дақиқада Рауль Асенсио ўз голи билан устунликни мустаҳкамлаб қўйди ва ўйинни “Реал” учун янада қулай ҳолатга келтирди.
Шу тариқа, «Реал» 20 та учрашувдан кейин 48 очко жамғариб, Ла Лига турнир жадвалида иккинчи ўринда бормоқда. «Леванте» эса 19 та ўйиндан сўнг 14 очко билан 19-поғонада қолмоқда.
Ла Лига. 20-тур
Реал – Леванте 2:0
Голлар: Мбаппе 58 пен, Асенсио 65
Реал – Куртуа, Валверде, Асенсио, Ҳейсен (Себаллос, 61), Каррерас. Чуамени, Камавинга (Гулер, 46), Гонсало Гарсия, Беллингем, Мбаппе, Винисиус.