Жезқазғанның «жоқ» мысы:
1920 жылдары Жезқазған өңіріндегі мыс қоры Кеңес үкіметі мен шетелдік мамандар тарапынан күмәнмен қабылданды. Кеңес геологтары мен ағылшын сарапшылары: «Бұл аймақтағы мыс қоры мардымсыз, бар болғаны 10–15 жылға ғана жетеді. Сондықтан мұнда ірі зауыт салудың қажеті жоқ», — деген қорытындыға келген еді. Алайда бұл пікірмен жас инженер Қаныш Сәтбаев келіспеді.
Ғалымның табандылығы
1926 жылы Қаныш Сәтбаев Жезқазған өңіріне арнайы келіп, бұрын жасалған геологиялық карталарды қайта зерттейді. Ол ағылшын мамандарының зерттеуі тек жердің беткі қабатымен шектелгенін, ал негізгі байлықтың тереңде жатқанын аңғарады. Үш жылдық табанды ізденістің нәтижесі көп күттірмеді. 1929 жылы Қаныш Имантайұлы бұрын ешкім болжамаған аса бай мыс қабаттарын анықтады. Бұл жаңалық Жезқазғанның...