Алварес агенти футболчининг «Барселона»га эҳтимолий ўтишини изоҳлади
«Атлетико» ҳужумчиси Хулиан Алварес манфаатларини ҳимоя қилувчи агент Фернандо Идалго футболчининг Каталониянинг «Барселона» клубига кўчиб ўтиши мумкинлиги ҳақидаги гап-сўзларга муносабат билдирди. Бу ҳақда euro-football.ru хабар беради.
Идалгонинг таъкидлашича, Алваресни сафига қўшиб олмоқчи бўлган ҳар қандай томон аввало «Атлетико» билан боғланиши керак. Агент футболчи амалдаги шартнома билан боғланганини ва ҳозир тўлиқ тарзда жамоасидаги вазифаларига эътибор қаратаётганини айтди. Шунингдек, у «Барселона» спорт директори Деко билан учрашув бўлгани ҳақидаги хабарларни рад этиб, сўнгги пайтда у билан кўришмаганини билдирди, деб ёзади Sport.es.
Манбаларга кўра, аргентиналик ҳужумчининг трансфер қиймати 100 миллион евроқа баҳоланмоқда. Алвареснинг «Атлетико» билан шартномаси эса 2030 йилнинг ўрталаригача амал қилади.