«Милан» Браим Диасни яна жамоасига қайтаришни истаяпти
Мадриднинг «Реал» клуби ҳужумчиси Браим Диас яна «Милан» сафига қайтиши мумкин. Бу ҳақда euro-football.ru хабар беради.
Futbol del Sr.Destrangis манбасига кўра, «россонери» марокашлик футболчини трансфер қилиш ниятида. «Милан» клуби аввал ҳам Диасни яна таркибга қўшиш имкониятини кўриб чиққан. «Реал» эса ўз позициясида қатъий: футболчини қўйиб юборишга тайёр, бироқ камида 60 миллион евро талаб қилмоқда.
Эслатиб ўтамиз, Браим Диас 2020–2023 йилларда «Милан»да тўп сурган. У «россонери» сафида жами 124 ўйинда майдонга тушиб, 18 гол урган ва 15 та голли узатма берган. Ҳужумчининг «Реал» билан амалдаги шартномаси 2027 йил 30 июнгача мўлжалланган, Transfermarkt эса унинг бозор қийматини 35 миллион еврога баҳоламоқда.