Юрген Клопп Флорентино Перес таклифини қабул қилиб, «Реал»ни бошқаради
«Ливерпул»нинг собиқ бош мураббийи Юрген Клопп «Реал»ни бошқаришга розилик берди. Бу ҳақда euro-football.ru хабар беради.
Futbol del Sr.Destrangis хабарига кўра, «қироллик клуби» президенти Флорентино Перес ва немис мутахассиси шартнома бандлари бўйича келишувни якунлаган. Ҳужжат июн ойида имзоланиши кутилмоқда ва томонлар келишув тафсилотларидан мамнун.
Қайд этилишича, фақат Алваро Арбелоа Чемпионлар лигаси ёки Испания чемпионлигини қўлга киритса, битим тақдири савол остида қолиши мумкин.
Клоппнинг сўнгги жамоаси «Ливерпул» бўлиб, у клубни 2015 йилдан 2024 йилгача бошқарган. Унинг қўл остида мерсисайдликлар саккизта совринни ютган.