Карпин Головинга маслаҳати ҳазил ва киноя эди
Россия терма жамоаси бош мураббийи Валерий Карпин «Монако» ярим ҳимоячиси Александр Головинга «Реал»га қарши ўйин олдидан маслаҳат бергани ҳақидаги гапларига изоҳ берди. Бу ҳақда euro-football.ru хабар беради.
Эслатиб ўтамиз, 20 январ куни «Монако» Европа Чемпионлар лигасида Мадридда «Реал»га 1:6 ҳисобида ютқазганди. Учрашув арафасида Карпин россиялик футболчи билан тушган суратини жойлаб, унга бир неча маслаҳат берганини айтганди.
«Головиннинг ўйинини стадионда томоша қилдим, афсуски, натижа муваффақиятсиз бўлди. Унга айтган “маслаҳатларим” ҳазил ва киноя эди. Мен унга нима ҳам дей олардим? Бунинг учун мураббий бор», — дейди Карпин.
Головин жорий мавсум Франция Лигасининг 13 учрашувида майдонга тушиб, 2 та гол урди ва 1 та голли узатма амалга оширди.