Глеб Ганчаренкога Беларусни Европага олиб чиқиши қийин деди
«Барселона»нинг собиқ ярим ҳимоячиси Александр Глеб Беларусь миллий жамоасининг Виктор Ганчаренко қўл остидаги истиқболлари ҳақида фикр билдирди. Бу ҳақда euro-football.ru хабар беради.
Глебнинг айтишича, мураббий учун Беларусни Европа чемпионатига олиб чиқиш осон бўлмайди. У терма жамоада ишлаш билан клубдаги иш бутунлай бошқа-бошқа экани, энди Ганчаренко янги вазифага қай даражада мослаша олишини вақт кўрсатишини таъкидлади. Бу ҳақда у «RB Sport»га берган изоҳида маълум қилди.
Шу билан бирга, собиқ футболчи қандай ҳолат бўлишидан қатъи назар, жамоа ва мураббийга мухлислик қилишини айтди. Глеб Ганчаренко билан Беларусь терма жамоаси олдинга қадам ташлашига умид билдирди.
Эслатиб ўтамиз, белоруслар АҚШ, Канада ва Мексикада ёзда бўлиб ўтадиган навбатдаги жаҳон чемпионатига йўлланма ололмади.