ПСЖ дарвозабони Сафонов яна сафга қайтганини билдирди
ПСЖ дарвозабони Матвей Сафонов Telegram каналида машғулотдан олинган суратларни улашди ва энг муҳими, жамоага қайтганини маълум қилди. Россиялик посбон ўзини яхши ҳис қилаётганини айтиб, ўйинларга тайёр эканини таъкидлади. Бу ҳақда euro-football.ru хабар беради.
«Яна майдондаман! Эртанги учрашувга ҳозирлик кўряпмиз», — деб ёзди Сафонов.
Сафонов ПСЖ сафида анча вақтдан бери майдонга тушмаётганди. У ўтган ой Қитъалараро кубок финалида «Фламенго»га қарши ўйинда қўлидан жароҳат олган. Ўша финалда Сафонов пенальтилар сериясида тўртта зарбани қайтариб, қаҳрамонга айланганди.
28-январ, чоршанба куни ПСЖ Чемпионлар лигасида «Ньюкасл»ни уйида қабул қилади. Учрашув 01:00 да (Тошкент вақти билан) бошланади.