Әлмәттә 174 кеше йортсыз-җирсез калган
Урамда калган әлмәтлеләргә битараф булмаган якташыбыз йортсыз-җирсез калучылар өчен шәһәрдә приют ачуны сорап, район башлыгы Айрат Хәйруллинга мөрәҗәгать итте.
Бүген безнең җирлектә шундый хәлгә тарыган 174 кеше исәптә тора икән. Район башлыгы җаваплы службаларга әлеге мәсьәләне тикшерүне, буш торган биналар арасыннан вариантлар табуны бурыч итеп куйды. Гражданнарны кабул итү барышында ятим балаларны фатирлы итү, Әлмәттә яшьләр өчен скейтпарк булдыруга кагылышлы мәсьәләләр дә күтәрелде.