Канте «Ал-Иттиҳод»дан «Ал-Наср»га ўтиши мумкин
«Ал-Иттиҳод» ярим ҳимоячиси Н’Голо Канте Саудия Арабистонидаги клубини ўзгартириши эҳтимоли бор. Бу ҳақда euro-football.ru хабар беради.
«Ал-Наср»нинг собиқ юридик бўлими директори Саад Ал Субайи берган маълумотга кўра, Ар-Риёд клуби француз таянч ярим ҳимоячисини сафига қўшиб олишга қизиқиш билдирмоқда. Манбага кўра, битим январ ойи якунига қадар амалга ошиши мумкин.
Канте 2023 йилда «Челси»дан эркин агент сифатида «Ал-Иттиҳод»га келиб қўшилганди. Унинг амалдаги шартномаси 2026 йил 30 июнгача мўлжалланган. Жорий мавсумда француз футболчи Саудия клуби сафида барча турнирларда 25 ўйинда майдонга тушиб, 2 гол урди ва 1 ассист қайд этди. Transfermarkt портали ярим ҳимоячининг қийматини 4,5 миллион еврога баҳоламоқда.