Роналду Жоржинани табриклаб, уни ҳаётим аёли деди
Криштиану Роналду ижтимоий тармоқларда пост қолдирди. «Ал-Наср» ҳужумчиси севгилиси Жоржина Родригесни туғилган куни билан табриклади. Бу ҳақда euro-football.ru хабар беради.
Роналду Жоржина билан тушган сурат остига: «Туғилган кунинг билан, ҳаётим аёли!» деб ёзди.
Сешанба куни Жоржина Родригес 32 ёшни қарши олди. Роналду ҳам тез орада туғилган кунини нишонлайди — 5 февраль куни у 41 ёшга тўлади. Португалиялик юлдуз ҳозир ҳам аъло жисмоний ҳолатда: у фаолияти давомида 960 та гол урган ва тўхташ ниятида эмас.
Эслатиб ўтамиз, душанба куни Саудия Арабистони чемпионатида «Ал-Наср» «Ал-Таавун»ни 1:0 ҳисобида мағлуб этди.