Iran etter truslar frå Trump: – Viss landet blir pressa, vil det forsvare seg
0
Iran vil svare «som aldri før» dersom USA angrip landet, opplyser Irans FN-delegasjon onsdag, ifølge AFP.
– Iran er klar for dialog basert på gjensidig respekt og interesser, men viss landet blir pressa, vil det forsvare seg og svare som aldri før, skriv delegasjonen i ei melding på X.
Utsegna kjem etter at USAs president Donald Trump onsdag bad Iran om å inngå ei ny atomavtale og åtvara om det han kalla «eit langt verre angrep» viss det ikkje skjer.
Han opplyste at ein stor amerikansk krigsflåte er på veg mot Iran, og viste til angrepa USA utførte mot landet i fjor sommar.