Мората Нико Пас қолса бепул ўйнашга тайёрлигини айтди
Сешанба куни Италия Кубогида “Кому” “Фиорентина”ни 3:1 ҳисобида мағлуб этиб, чорак финал йўлланмасини қўлга киритди. Учрашувда “Кому” сафида Алваро Мората ва Нико Пас ҳам гол муаллифига айланди. Бу ҳақда euro-football.ru хабар беради.
Ўйиндан сўнг Мората жамоадоши ҳақида ҳазил аралаш гапирди: “Агар Нико Пас ‘Кому’да яна бир йил қолса, мен ҳам қоламан ва бепул ўйнайман”, — дея кулиб айтди ҳужумчи. Унинг сўзларини The Touchline келтирди.
Шу билан бирга, ёзда Нико Пасни қайтариб олишни Мадриднинг “Реал” клуби режалаштирмоқда, деган гап-сўзлар бор.
Италия Кубоги чорак финалида “Кому” “Наполи”га қарши майдонга тушади. А Серияда эса Сеск Фабрегас бошқарувидаги жамоа ҳозирча турнир жадвалида олтинчи ўринда бормоқда.