Роналду «Ал-Наср» ғалабасига икки эмодзи билан жавоб берди
Криштиану Роналду мураббий билан келишувга кўра ОФК Чемпионлар лигаси 2 гуруҳ босқичи ўйинларида майдонга тушмаяпти. Шунга қарамай, «Ал-Наср» етакчисиз ҳам барқарор натижа кўрсатмоқда. Бу ҳақда euro-football.ru хабар беради.
Чоршанба куни Саудия клуби гуруҳдаги бешинчи учрашувда ҳам ғалаба қозонди: Тожикистонда «Истиқлол» 4:0 ҳисобида йирик мағлуб этилди. Бу натижа «Ал-Наср»га гуруҳни биринчи ўринда якунлаб, кейинги босқичга чиқишни таъминлади.
Ўйиндан сўнг Роналду ижтимоий тармоқларда «Ал-Наср»нинг биринчи ўрин билан кейинги босқичга чиққанини тасдиқловчи постни улашди ва унга икки эмодзи — олов ҳамда қарсаклар белгисини қўшди.
40 ёшли Криштиану Роналдунинг «Ал-Наср» билан амалдаги шартномаси 2027 йил ўрталаригча мўлжалланган.