Алабугада льготниклар өчен юл йөрү билеты 30 сумга артты
Балаларның юл йөрүгә бердәм социаль билет бәясе хәзер 258 сум тора, пенсионерларның ташламалы билеты – 427 сум.
Шулай итеп, ташламалы билет бәяләре 30 сумга артты.
Татарстанда 1 гыйнвардан юл йөрүдә ташламалардан файдаланучы гражданнар өчен субсидияләр күләме дә үзгәрде. Бу айлык кереме 20 меңнән артмаганнарга кагыла. Кереме аннан күбрәк булганнарга 280 сум күләмендә субсидия түләнәчәк. Алабугада бүген “проездной”лар белән 500дән артык кеше йөри. Болар – пенсионерлар, ятим балалар, мөмкинлеге чикләнгән һәм күп балалаы гаилә балалары.