Камералар қайд этадиган қонун бузилишлари аниқ бўлди
0
Ўзбекистон қонунчилигига киритилган ўзгаришларга кўра, фото ва видео ёзувга олувчи автоматлаштирилган техникалар орқали аниқланиши мумкин бўлган йўл ҳаракати қоидабузарликларининг аниқ рўйхати белгиланди.
Эндиликда махсус кузатув ускуналари орқали қуйидаги турдаги маъмурий қонунбузарликлар қайд этилиши мумкин:
- Ҳайдовчиларнинг хавфсизлик камаридан фойдаланмаслиги;
- Автомобиль бошқариш чоғида телефон ёки бошқа қурилмалардан фойдаланиш;
- Рухсат этилган тезликни соатига 20 километргача ошириб юбориш;
- Тўхташ ёки машинани вақтинча тўхтатиб туриш тартибига амал қилмаслик ва бошқа шу каби ҳолатлар.
Янги тартибга биноан, мазкур ҳуқуқбузарликлар бўйича маъмурий чора кўришнинг аниқ муддатлари ҳам белгилаб қўйилган.
Агар қоидабузарлик фото ёки видео орқали қайд этилган бўлса, унга нисбатан жазоловчи қарор ҳуқуқбузарлик содир бўлган кундан бошлаб бир ой ичида чиқарилиши лозим.
Агар бу қарорга нисбатан норозилик билдирилган бўлса, маъмурий жазо бир йил ичида қўлланиши мумкин.