Аргентинада Ди Мария симуляция айбловлари остида қолди
Анхель Ди Мария ватангa қайтгач дастлаб муваффақиятли старт олди, бироқ тез орада вазият ўзгарди. Энди муаммолар унинг ўйинидан кўра рақиблар ва мухлислар норозилиги билан боғлиқ: улар футболчини майдонда тез-тез йиқилиб, қоида бузилишини "олиб беришга" уринаётганликда айбламоқда. Бу ҳақда euro-football.ru хабар беради.
Аргентина чемпионати муҳокама қилинадиган форумларда "Нега Ди Марияни ҳийлаларига огоҳлантириш беришмайди?", "Ди Мария юлдуз, аммо унинг ҳаракатлари жонига тегди", "бундай даражадаги футболчининг пеналти сўраб ўзини ташлаши ачинарли" каби кескин фикрлар кўпайган. "Манчестер Юнайтед" ва "Реал"нинг собиқ футболчиси ҳозир "Росарио Сентрал" сафида тўп сурмоқда.