Андронов «Бавария» ғалабасини кутмоқда ва кўп гол бўлиши мумкин
Германия Бундеслигасининг 21-тур марказий учрашувида Мюнхеннинг «Бавария» клуби «Хоффенхайм»ни қабул қилади. Ўйин олдидан футбол шарҳловчиси Алексей Андронов баҳс ҳақидаги фикрлари билан ўртоқлашди. Бу ҳақда euro-football.ru хабар беради.
Андроновнинг таъкидлашича, «Бавария» бу учрашувда устун келиши кутилмоқда, ҳисоб эса йирик кўриниш олиши мумкин — 5:1 ёки 5:2 каби. Унинг танлови: «Бавария» ғалаба қозонади ва ҳар икки жамоа ҳам гол уради.
«Бавария» — «Хоффенхайм» учрашуви 8-февраль, якшанба куни 21:30 да (Тошкент вақти билан) старт олади. Беллашувнинг боришини матнли онлайн трансляция орқали кузатиш мумкин.
Ўйин арафасида мезбонлар турнир жадвалида пешқадамлик қилмоқда, меҳмонлар эса учинчи ўринда бормоқда.