Ўзбошимчалик билан қурилган иморат буздирилди
Суднинг ҳал қилув қарори ижросини таъминлаш мақсадида Мажбурий ижро бюросининг Чуст туман бўлими томонидан навбатдаги мажбурий ижро ҳаракатлари амалга оширилди.
Фуқаролик ишлари бўйича суднинг қонуний кучга кирган ҳал қилув қарорига асосан, жавобгар З.Х. томонидан ўзбошимчалик билан эгаллаб олинган ва 0,24 гектар ер майдонида ноқонуний равишда қурилган турар-жой биноси мажбурий тартибда буздирилди.
Мазкур ер майдони белгиланган тартибда бўшатилиб, яроқли ҳолатга келтирилди.
Ушбу ижро ҳужжати даъвогар — Кадастр агентлигининг Наманган вилоят бошқармаси фойдасига тўлиқ ижро этилди.
Қонун устуворлиги — адолат мезони. Мажбурий ижро органлари томонидан суд қарорларининг ўз вақтида ва тўлиқ ижро этилиши таъминланмоқда.
Фуқаролардан ер майдонларидан фойдаланишда амалдаги қонунчилик талабларига қатъий риоя қилиш сўралади.