Тошкентдаги мактаблардан бирида номаълум шахс пичоқ билан ўқувчиларни қўрқитаётгани айтилмоқда
0
Тошкент шаҳридаги Миробод тумани ҳудудида жойлашган 60-мактаб атрофидаги хабарлар ота-оналарни жиддий хавотирга солди. Ижтимоий тармоқларда номаълум шахс қўлида пичоқ билан ўқувчиларни қўрқитаётгани ҳақида гаплар тарқалди.
Маълумотларга кўра, вазият юзасидан ҳуқуқни муҳофаза қилувчи идоралар тезкор ҳаракат қилган. Тошкент шаҳар ИИББ маълумотига асосан, ўқувчиларга таҳдид қилган фуқаро қўлга олинган. Ҳозирда ҳолат бўйича текширув ва қонун доирасидаги жараёнлар олиб борилмоқда.
Ота-оналарга эса энг тўғри йўл — миш-мишга эмас, расмий маълумотга таяниш: мактаб маъмурияти билан алоқада бўлиш, болалар билан тинч тарзда суҳбатлашиб, хавфсизлик қоидаларини эслатиш. Агар шубҳали ҳолат ёки таҳдид сезилса, дарҳол 102га қўнғироқ қилиш керак.