Фонсека: «Милан» менга кўпроқ вақт бериши керак эди
«Милан»нинг собиқ бош мураббийи Паулу Фонсека Италия грандида ишлаган даврини эслаб, ўз фикрларини билдирди. Бу ҳақда euro-football.ru хабар беради.
Португалиялик мутахассиснинг айтишича, у «Милан»да кўпроқ муддат ишлашга лойиқ эди. Фонсека клубни ажойиб деб атади ва у ерда ўзини яхши ҳис қилганини таъкидлади, бироқ керакли ўзгаришларни амалга ошириш учун вақт етмагани афсус уйғотганини қўшди. Унинг сўзларига кўра, клуб ўйин услубини янада ҳужумкор кўринишга ўтказишни хоҳлаган, бироқ йиллар давомида шаклланган тизимни тезда ўзгартириш осон эмас.
Эслатиб ўтамиз, Фонсека «Милан»ни 2024 йил июлидан декабргача бошқарган. 53 ёшли мураббий ҳозирда франсузнинг «Лион» клубида бош мураббий сифатида фаолият юритмоқда.
Айни пайтда «Милан» Массимилиано Аллегри қўл остида А Серия турнир жадвалида 54 очко билан иккинчи ўринда бормоқда.