Комиссия актив эшләячәк
Район һәм шәһәр Советлары даими комиссияләренең оештыру мәсьәләләренә багышланган утырышлары тәмамланып килә. Кичә район Советының мәгариф, мәдәният, спорт, сәламәтлек саклау һәм милли мәсьәләләр буенча комиссиясе утырышы да шундый ук көн тәртибе белән үтте. Депутатлар комиссия рәисе урынбасары һәм сәркатибын сайладылар, комиссиянең 2016 елга якынча эш планын расладылар. Комиссия рәисе Эдуард Галиев депутатларны актив эшчәнлеккә чакырды, безнең комиссия мәгариф, мәдәният, спорт, сәламәтлек саклау тармакларында төп проблемаларны ачыклап, аларны хәл итү өчен максатчан эш алып барачак дип белдерде. Утырышта район башлыгы урынбасары Валерий Акатьев катнашты.