«Аталанта» «Наполи» устидан иродали ғалабани қўлга киритди

Италия А Сериясининг кун марказий учрашувида «Аталанта» ўз майдонида «Наполи»ни қабул қилди ва ўйин тақдирини иккинчи бўлимда ўзгартириб, муҳим уч очкони илиб кетди. Бу ҳақда euro-football.ru хабар беради.

Ҳисоб 18-дақиқада очилди: Мигел Гутьеррес жарима зарбасидан жарима майдони марказига узатма берди, Сем Бйокема эса тўсиқсиз бош билан тўпни тўрга йўллади — 0:1. «Аталанта» тезда жавоб қайтаришга уриниб кўрди: Алисон Сантос бир вазиятда дарвозабон билан яккама-якка чиқиб гол урди, бироқ аниқ офсайд сабабли гол бекор қилинди. Камалдин Сулемана ва кейинроқ яна бир неча ҳужумларда бергамоликлар хавфли зарбалар берди, аммо «Наполи» дарвозабони жамоасини қутқариб қолди.

Иккинчи таймда «Аталанта» босимни кучайтирди ва 61-дақиқада мувозанатни тиклади: Никола Залевски бурчакдан тўп оширди, Марио Пашалич бош билан аниқ йўллаб, ҳисобни 1:1 кўринишига келтирди. Якуний сўз эса 81-дақиқада айтилди — Лоренсо Бернаскони чап қанотдан узатма берди, Лазар Самарджич ҳаводаги курашда устун келиб, бош билан тўпни ўнг устун ёнидан дарвозага жойлади — 2:1.

Шу ғалабадан сўнг «Аталанта» турнир жадвалида «Комо» билан бирга 6-ўринни бўлишиб турибди, «Наполи» эса 3-поғонада қолди.