Кафанов терма жамоа рўйхатида 5-6 дарвозабон борлигини айтди
Россия терма жамоаси дарвозабонлар мураббийи Виталий Кафанов миллий жамоанинг кенгайтирилган рўйхатида бирданига беш-олти нафар голкипер борлигини маълум қилди. Бу ҳақда euro-football.ru хабар беради.
Мутахассиснинг таъкидлашича, бу дарвозабонларнинг барчаси яхши ўйин кўрсатмоқда ва даражалари деярли тенг. Унинг фикрича, танловда майда деталлар ҳал қилувчи бўлади, баъзан эса жуда кучли дарвозабонлар ҳам рўйхатдан четда қолиб кетади.
Эслатиб ўтамиз, Россия терма жамоаси 2022 йил февралидан бери халқаро мусобақалардан четлатилган. Шу сабаб Валерий Карпин жамоаси фақат ўртоқлик учрашувларида майдонга тушиши мумкин. Келаси ой охирида терма жамоа навбатдаги спаррингларни ўтказади.