Аргентина чемпионати AFA атрофидаги можародан сўнг тўхтайди
Аргентина чемпионати бир ҳафталик танаффус олади: 9-тур учрашувлари кейинроқ ўтказилади. Бунга мамлакат футбол федерацияси атрофида навбатдаги коррупция можароси сабаб бўлди. Бу ҳақда euro-football.ru хабар беради.
Қизиқ томони шундаки, 7 ва 8-тур ўйинлари режа бўйича ўтказилади, танаффус эса айнан 9-турга тўғри келади. Тақвимда бу тур 5–8 март кунлари бўлиб ўтиши керак эди. 5 март куни AFA президенти Клаудио Тапиа трибунал олдида жавоб бериши кутилаётгани учун шундай қарор қабул қилинган.
derbyderbyderby.it хабарига кўра, собиқ футболчилар ва ходимларга пенсия тўловлари билан боғлиқ схема орқали 19 миллиард песо миқдоридаги солиқ тўловларидан қочилгани тахмин қилинмоқда. Евро ҳисобида ҳам бу сумма катта — қарийб 12 миллион. Шунингдек, федерация пул ювиш жараёнларида ҳам қатнашган бўлиши мумкинлиги ҳақида шубҳалар бор.