«Марсел»ни хакерлар зарбаси майдондаги муаммолардан ҳам кўпроқ қўрқитди
Французнинг «Марсел» клуби оғир даврни бошдан кечирмоқда: жамоа бир неча турнирлардан чиқиб кетди, бош мураббий билан хайрлашди, спорт директори эса клубни тарк этишга уриниб кўрди. Ҳатто қолган тақдирда ҳам, аввалгидек иштиёқ билан ишлаши қийин кўринади. Бу ҳақда euro-football.ru хабар беради.
Вазиятни янада чигаллаштирган ҳолат — клуб сайтига уюштирилган киберҳужум бўлди. Натижада сайт ва клуб билан турли кўринишда алоқада бўлган юз минглаб одамларнинг шахсий маълумотлари интернетга тарқалиб кетгани айтилмоқда.
Маҳаллий ОАВ тезкор ўтказган сўровнома натижасига кўра, «Марсел» мухлислари ҳозир спорт ва бошқарувдаги беқарорликдан кўра, айнан хакерлик ҳужуми оқибатлари ҳақида кўпроқ хавотирда.