«Барселона» АПЛдан Маркос Сенесини трансфер қилиши мумкин
«Барселона» ҳимоя чизиғини кучайтириш учун турли вариантларни кўриб чиқмоқда. The Touchline хабарига кўра, каталонияликлар «Борнмут» марказий ҳимоячиси Маркос Сенесини юқори баҳоламоқда. Бу ҳақда euro-football.ru хабар беради.
«Кўк-анорранглилар» бош мураббийи Ханс-Дитер Флик аргентиналик футболчининг ўйин услуби ўтган мавсум жамоада тўп сурган Иньиго Мартинесникига яқин, деб ҳисоблайди.
Клуб 28 ёшли Сенесини «Интер» ҳимоячиси Алессандро Бастонига нисбатан анча арзонроқ муқобил сифатида кўрмоқда.
Сенесининг «Борнмут» билан амалдаги шартномаси 2025/2026 мавсуми якунига қадар мўлжалланган. Шу боис, яқин ёзда уни эркин агент сифатида қўлга киритиш имконияти ҳам мавжуд.