«Челси» Роналду бўйича Европага қайтиш вариантини кўриб чиқмоқда
«Ал-Наср» ҳужумчиси Криштиану Роналду атрофидаги Европага қайтиш ҳақидаги гап-сўзлар яна кучайди. Бу ҳақда euro-football.ru хабар беради.
Февраль бошларида португалиялик футболчи жамоасининг кетма-кет икки учрашувини ўтказиб юборган, кейин эса таркибга қайтиб, Саудия Арабистонида қолиш нияти борлигини билдирган эди. Шунга қарамай, Football Insider хабарига кўра, 41 ёшли юлдузнинг вазиятини «Челси» диққат билан кузатиб бормоқда. Манбада таъкидланишича, бундай келишувни молиявий жиҳатдан кўтара оладиган Европа клублари кўп эмас, «кўклар» раҳбарияти эса суперюлдузни олиб келиш катта тижорий фойда беришига ишонмоқда.
Роналдунинг «Ал-Наср» билан шартномаси 2027 йилгача мўлжалланган. Transfermarkt портали унинг трансфер қийматини 12 млн евро деб баҳоламоқда.