Розенёрн Челсининг кўп қизил карточкалари сабабини айтолмади
Челси бош мураббийи Лиам Розенёр жамоасида қизил карточкалар нега кўпайиб кетаётгани ҳақидаги саволга муносабат билдирди. Жорий мавсумда лондонликлар 7 бор ўйинни футболчиси кам ҳолда якунлашга мажбур бўлди, навбатдаги четлатиш 1 март куни Арсеналга қарши 1:2 ҳисобида ютқазилган баҳсда қайд этилди. Бу ҳақда euro-football.ru хабар беради.
Мутахассис муаммонинг аниқ илдизини кўрсатиш қийинлигини таъкидлади. Унинг айтишича, жамоа ҳар бир учрашувда ғалаба учун ишлайди ва интизом билан боғлиқ масалани эътиборсиз қолдирмаяпти. Розенёр Leeds ҳамда Бернлига қарши ўйинларда йўқотилган очколар оғриқли сабоқ бўлганини, яхши эпизодлар ҳақида гапириш эса натижа бўлмаганда янада ранжитишини билдирди.
Ушбу турдан кейин Челси турнир жадвалида 45 очко билан 6-ўринда бормоқда.