Дастурчи AI-га ишониб муҳим маълумотларидан айрилди
Дастурлаш жараёнида ёрдам берувчи AI воситалари ҳар доим ҳам мукаммал ишламайди. Яқинда Алексей Григорьев исмли дастурчи билан юз берган воқеа буни яққол исботлади. У ўз сайтини Амазон Wеб Сервиcес булутли тизимига кўчирмоқчи бўлганида, Cлауде Cоде AI агентидан фойдаланган. Бироқ, техник хатоликлар ва инсон омили туфайли икки йилдан ортиқ тўпланган маълумотлар базаси ва иккита сайт бутунлай ўчириб ташланди. Бу ҳақда 3dnews.ru хабар беради.
Воқеа тафсилотларига кўра, дастурчи Терраформ дастуридан фойдаланган, аммо тизим созламалари акс этган файлни юклашни унутган. Натижада AI ресурсларни нотўғри тушуниб, уларни дубликат деб ҳисоблаган ва "дестрой" яъни йўқ қилиш буйруғини бажарган. Бу жараёнда нафақат янги сайт, балки аввалдан ишлаб турган ресурслар ҳамда захира нусхалари ҳам ўчиб кетган. Дастурчи маълумотларни тиклаш учун Амазон техник ёрдам хизматига мурожаат қилишга мажбур бўлди.
Алексей Григорьев ушбу ҳолатда AIни эмас, балки ўзининг эътиборсизлигини айбдор деб билади. У келажакда бундай хатоларга йўл қўймаслик учун маълумотлар базасини автоматик текшириш тизимини йўлга қўйди ва ўчириш жараёнларини фақат қўлда амалга оширишга қарор қилди. Шунингдек, у Терраформ созламаларини хавфсизроқ сақлаш учун S3 омборидан фойдаланишни бошлади. Бу воқеа технологиялардан фойдаланишда инсон назорати қанчалик муҳим эканлигини яна бир бор эслатиб қўйди.