Ничек без электр контролерлары белән рейдта булып кайттык
Бер көнебезне электр челтәре оешмасы контролерлары белән рейдка чыгып тикшерү эшенә багышладык. Алдагы көн өчен отчет биргәннән соң, өлкән контролер Радик Шәрәфетдинов, Искәндәр Иминов, Фәрит Гатауллин яңа бирем алдылар. Алар белән бергәләп без дә авылларга чыгып киттек.
Искәндәр Иминев ничә елллар бу оешмада хезмәт куя. Читтән торып энергитика институтын тәмамлаган. Үз һөнәрен яхшы белә, эшендә сынатмый. “Эшем бик ошый. Гел юлда, кешеләр белән аралашабыз. Бер урында утырып торырга яратмыйм мин”,-ди ул. Эшләү дәверендә төрле хәлләр булырга мөмкин. Абонентлар я өйләренә кертмиләр, я ишекне ачмыйлар, аек булмаганнары да очрый икән. Ул вакытта контролерлар конфликта кермәскә тырыша. “Әңгәмә килеп чыкмаган очракта һәм өйдә туры килмәгән абонентларга кабат киләбез”,-ди Искәндәр.
Фәрит Гатаулин биредә ярты ел гына эшли. Монда килгәнче дә төрле оешмаларда электрмонтер вазыйфасында хезмәт куйган ул. Шуңа күрә дә бу эшне башлавы аңа авыр булмый. Электр куркынычсызлыгы буенча икенче аннан соң өченче группага да имтихан тоткан. Эшен яратып башкара, нинди генә сорау бирсәң дә төгәл аңлаешлы итеп җавап бирә.
Хәрәмләшү очрагына юлыкмадык
Без Биектау авылна юл тоттык. Бу авылда 271 хуҗалык бар. Барысы да электр энергиясен кулланалар.. “Әлеге авылда яшәүчеләрнең электр исәпләү җайланмасын тикшереп, барлап чыгу өчен дүрт-биш көн вакыт кирәк безгә. Бүген беренче көнебез”,-ди контролер Искәндәр Иминев. “Елына ничә тапкыр тикшерү үткәрәсез? Вакытында ут өчен түләмәү, урлау очраклары еш буламы?-дип сорыйбыз. “График буенча өч айдан өч айга рейдка чыгабыз. Тормыш булгач төрле хәлләргә юлыгырга туры килә. Хәрәм юлга аяк басучылар да юк- юк та, очраштыргалап торалар шул. Андыйларга карата штраф санкцияләре кулланабыз. Аңламаучылар булса эшләре тагын да югарыга китә”,-ди алар. Абонентлар исемлеген бер барлап алдылар да, берничә төркемгә бүленеп урамнарга таралдык.
Тулырак язманы газетабыздан укый аласыз.
Гөлназ Зарипова.
Автор фотосы.