Кырымда ял итү 30 %ка кыйммәтләнә
Кырымда җәйге ял вакытындагы бәяләр туристик операторлар өчен 15-20 %ка кыйммәтләнгән, ә сезон башына кадәр 30 %ка җитәргә мөмкин.
Әлеге яңалыкны Россия туризм индустриясе союзы мәгълүматларына таянып, "Коммерсант" язып чыккан. Моңа кадәр илнең Туристик операторлар ассоциациясе узган җәйге сезонда Кырымның Краснодар өлкәсе белән чагыштырганда бәя өстенлеген югалтуы турында хәбәр иткәннәр иде. Чөнки ярымутрауда ял итү өчен бер кешегә тәүлегенә Сочидагы кебек 2500 сум сарыф итәргә туры килгән.
Кырымга бәя арту эчке туризмга игътибарның зур булуы һәм ярымутрауга килүчеләрнең саны узган җәйдә генә дә 21 %ка артуы белән бәйләп аңлатыла. Һәм, әлбәттә, Төркия белән Мисырга юлның бикләнүен дә онытырга ярамый.