Зәйдә “Куркынычсыз шәһәр” программасы буенча видеокамералар саны артачак
Зәйдә җинаятьләрне ачуда, тәртип бозуларны кисәтүгә, милекне саклауда кешеләр күп җыела торган урыннарга, мөһим объектларга видеокүзәтүләр урнаштыру эзсез калмый, дип ассызыклый полиция хезмәткәрләре. Мәсәлән, 2015 елда “Куркынычсыз шәһәр” видеокүзәтү системасын куллану нигезендә җәмәгать урыннарында, сәүдә нокталарында 16 административ хокук бозу очрагы ачыкланган, 6 җинаять ачылган. 2016 елда да район җитәкчелеге ярдәме белән “Куркынычсыз шәһәр” программасы кысаларында, халык күп була торган, шәһәргә керү урыннарында өстәмә видеокүзәтүләр урнаштыру планлаштырыла.